Илимий ачылыштар

Автор: Тынарбекова Т.
магистрант И.Арабаев атындагы Кыргыз мамлекеттик университети Бишкек ш.

КЫРГЫЗ ПОЭЗИЯСЫНДАГЫ ПЕЙЗАЖДЫК ЛИРИКА

Негизги сөздөр: Лирика, изденүү, пейзаждык лирика, Ысык-Көл, тоолор, талаалар, жамгыр, жаратылыш, көркөм ойлоо, Эркаалы Өскөналиев.

Аннотация. Бул макалада магистрант Тынарбекова Табихат кыргыз поэзиясындагы, айрыкча эгемендик мезгилдеги пейзаждык ырларды талдаганга аракет кылган. Аларга жыл мезгилдери, жаратылыш көрүнүштөрү (айыл, шаар, тоо, талаа, көл, кар, жамгыр ж.б.), жана албетте, аларды лирикалык каармандын кабылдоосу чагылдырылган ырлар кирет. Бул өңүттө кыргыз поэзиясы абдан бай. Тоо жана Ысык-Көл темасындагы ырлар поэзиясында учурабаган акын жок. Ал эми акын Эркаалы Өскөналиев жалаң пейзаждык мыкты ырларды жазган. Мунун өзү бул тема кыргыз поэзиясындагы негизги тема экендигин көрсөтөт.